មេរៀនទី៣៣: រូបល្ពៅ Halloween

សម្រាប់មេរៀនឌីហ្សាញនៅក្នុងលេខនេះ CM នឹងលើកយកពីរបៀបបង្កើតរូបល្ពៅ Halloween ដ៏ស្រស់ស្អាតនៅក្នុង Photoshop CS5 មកបង្ហាញជូនអ្នកទាំងអស់គ្នា។ សូមធ្វើតាមដំណាក់កាលនីមួយៗដូចខាងក្រោម៖
ដំណាក់កាលទី១៖
យើងត្រូវបង្កើតក្រដាសកិច្ចការថ្មីមួយដោយចុចលើ File យកពាក្យ New ឬក៏ចុច Ctrl+N ក៏បាន។ បន្ទាប់មកត្រូវកំណត់ Option ដូចខាងក្រោម៖
- ត្រង់ Width និង Height គឺដាក់ 500 pixels ដូចគ្នា
- ត្រង់ Resolution ដាក់ 100 cm
- ត្រង់ Background Contents ជ្រើសរើសយក Background Color

ដំណាក់កាលទី២៖
យើងត្រូវប្តូរ Background Color ទៅជាពណ៌ខ្មៅ និង Foreground Color ទៅជាពណ៌ទឹកក្រូច។ រួចប្រើ Ellipse Tool(U) ដើម្បីគូសរង្វង់មួយដែលមានទ្រង់ទ្រាយដូចទៅនឹងផ្លែល្ពៅដូចរូប៖

បន្ទាប់មកយើងត្រូវប្តូរ Layer Style ឲ្យមានស្រមោលដោយចូលទៅក្នុង Layer -> Layer Style -> Inner Shadow

រួចយើងត្រូវកំណត់ Setting វាដូចខាងក្រោម៖
- ត្រង់ Blend Mode ជ្រើសរើសយក Linear Burn
- ត្រង់ Opacity ដាក់ 28% រួចជ្រើសរើសយកពណ៌ខ្មៅ
- ត្រង់ Distance ដាក់ 0%, Choke ដាក់ ២៦% និងត្រង់ Size ដាក់38px

បន្ទាប់មក យក Ellipse Tool គូររូបរង្វង់ដូចមុនដោយដាក់កម្ពស់ស្មើទៅនឹងលើកមុន រួចបង្រួមទទឹងឲ្យតូចជាងលើកមុនបន្តិច។ យើងត្រូវធ្វើបែបនេះម្តងមួយស្រទាប់ៗរហូតដល់ចេញជារូបរាងដូចខាង ក្រោម ដែលជារូបរាងផ្លែល្ពៅ៖

ដំណាក់កាលទី៣៖
យើងត្រូវបន្ថែមមាត់ទៅឲ្យរូបល្ពៅនោះ ដោយដំបូងត្រូវបង្កើត Layer ថ្មីមួយសម្រាប់មាត់ដោយចូលទៅក្នុង Layer -> New -> Layer ឬក៏យើងអាចចុច Ctrl+Shift+N ក៏បានពេលនោះវានឹងចេញផ្ទាំង New Layer ចេញមកត្រង់កន្លែង Name គឺយើងដាក់ឈ្មោះទៅឲ្យ Layer នោះ រួចចុច OK

បន្ទាប់ មកយើងត្រូវប្រើ Polygonal Lasso Tool (L) ដើម្បីគូររូបមាត់តាមដែលយើងចង់បាន ឬអ្នកអាចយកគំរូតាមរូបភាពខាងក្រោមក៏បាន រួចចាក់ពណ៌វាទៅជាពណ៌ស

រួច យើងត្រូវកំណត់ Layer Style ទៅឲ្យវាចំនួនពីរ គឺ Inner Shadow និង Gradient overlay។ ដោយកំណត់ Setting នីមួយៗដូចរូបខាងក្រោម៖
ចំពោះ Inner Shadow

ចំពោះ Gradient overlay

ពេលនោះយើងនឹងបាននូវរូបភាពដូចខាងក្រោម៖

យើង ត្រូវធ្វើបែបនេះទាំងភ្នែក និងច្រមុះរហូតដល់រួចរាល់ ហើយយើងអាចគូសទងថែមទៀតក៏បាន។ ចុងបញ្ចប់យើងនឹងបាននូវរូបល្ពៅ Halloween ដ៏ស្រស់ស្អាតមួយដូចខាងក្រោម៖

អ្នកទាំងអស់គ្នាអាចទាញយកកិច្ចការនេះទាំងមូលជា File .pds ដើម្បីយកទៅមើលបន្ថែមនៅក្នុង
http://www.mediafire.com/?3tb6nf4cgdnp8oy