បំពង-មឹកធ្វើជាអាហារ
មឹក ជាអាហារសមុទ្រដែលស្រ្តីមេផ្ទះនិយមមកច្នៃធ្វើជាម្ហូបច្រើនមុខ មានស្ងោរ ឆា បំពង ចំហុយ អាំងជាដើម។ មឹក ដែលឆ្ញាញ់ គឺមឹកដែលនៅស្រស់ ដោយមុននឹងទិញ អាចសង្កេតពីផ្ទៃក្រៅត្រូវថ្លា និង សាច់ណែន។ ចំណែកក្លិនឆ្អាប អាចបន្ថយបាន ដោយគ្រាន់តែច្របាច់ក្រូចឆ្មារបន្តិចបន្តួច ចូលក្នុងទឹកដែលប្រើលាងសម្អាតមឹក ថែមទាំងធ្វើឱ្យមឹកសជាងមុនទៀតផង។
បន្ទាប់មកហាន់ជាចំណិត ឬដុំ យកទៅស្រុសក្នុងទឹកកំពុងពុះខ្លាំង (កុំទាន់អាលកូរភ្លាមៗ ព្រោះអាចធ្វើឱ្យឆ្អាបបាន) ប្រយ័ត្នកុំឱ្យឆ្អិនពេក ព្រោះមឹកនឹងស្វិត ទទួលទានមិនឆ្ងាញ់។ ស្រុស រួច ត្រូវដួសចេញឱ្យស្រស់ទឹកសិន សឹមយកផ្សំគ្រឿង។
ចំពោះមឹកដែលនៅសល់ពីការផ្សំគ្រឿង អាចទុកធ្វើជាម្ហូបផ្សេង នៅពេលក្រោយបាន ដោយគ្រាន់តែយកមកដាក់ក្នុងភាជនៈ រួចយកទៅក្លាស្សេក្នុងថតក្លាស្សេកក។ វិធីនេះ នឹងជួយរក្សាមឹកឱ្យនៅស្រស់ សាច់មិនផុយ ក្លិនល្អ និងមិនខូចរសជាតិ ហើយអាចយកមកធ្វើជាអាហារបានរហ័សទាន់ចិត្ត៕
Post a Comment