បំពង-ពងទាបំពងជូរអែម
គ្រឿងផ្សំ៖
ពងទាស្ងោរ ទឹកអំពិលទុំ 1/4 ពែង ស្ករត្នោត 1/4 ពែង ទឹកត្រី 3 ស្លាបព្រាបាយ ឫសគីមឆាយ 1 ស្លាបព្រាកាហ្វេ ខ្ទឹមស 1 ស្លាបព្រាបាយ ម្ទេស ទឹកម្ទេសឆា 1/4 ពែង ខ្ទឹមក្រហមចិញ្ច្រាំ 1/4 ពែង ស្លឹកគីមឆាយ និងប្រេងឆា។
វិធីចម្អិន៖
1. ដាក់ខ្ទះ ចាក់ប្រេងឱ្យក្ដៅ រួចបំពងពងទាឱ្យឡើងពណ៌ត្នោត ហើយស្រង់ចេញទុកមួយឡែក
2. បុកឫសគីមឆាយ ខ្ទឹមស និងម្ទេសចូលគ្នា ហើយយកទៅឆាក្នុងប្រេង
3. ដាក់ស្ករត្នោត ទឹកត្រី និងទឹកអំពិលទុំចូល រួចឆាត្រឡប់ចុះ ត្រឡប់ឡើង ចាក់ទឹកចូលបន្តិច ហើយរម្ងាស់វាឱ្យទាល់តែស្អិត
4. ចុងក្រោយ កាត់ពងទាបំពងជាកង់ៗដាក់ចាន ហើយចាក់ទឹកជ្រលក់ដែលលោកអ្នកបានធ្វើនៅជំហានមុនៗ បន្ទាប់មករោយស្លឹកគីមឆាយពីលើជាការស្រេច។
Post a Comment