សម្ល-ម្ជូរត្រកួន

គ្រឿងផ្សំ

ត្រកួន ត្រីរ៉ស់ អំពិលទុំ ទឹកត្រី អំបិល ស្ករ ខ្ទឹមស ម្ទេសខ្មាំង រំដេង ជីនាងវង និងម្អម ។

វិធីធ្វើ

១-ត្រកួនក្តិចកាត់ចេញមួយចង្អុលដៃលាងទឹកឱ្យស្អាត ។ ត្រីរ៉ស់ត្រូវសកស្រការ ហើយលាងទឹក ឱ្យស្អាតកាត់ជាកង់ៗ ។ អំពិលទុំត្រាំទឹកឱ្យរីក ហើយដាក់ចានផ្សេង ។ រំដេង ខ្ទឹមស បកសំបក បុកលាយជាមួយម្ទេសលាយចូលគ្នាឱ្យម៉ត់ ។ ជីនាងវង ម្អម លាងទឹក រួចហាន់ល្អិតៗ ។
២-យកឆ្នាំងដាំទឹកឱ្យពុះបង់ត្រីចូលស្ងោរឱ្យឆ្អិន៧០ភាគរយ រួចបង់ត្រកួនចូលស្ងោរឱ្យផុយ ទើបបង់គ្រឿង (ដែលបុកចូលគ្នាមាន រំដេង ខ្ទឹមស ម្ទេស ) ចូលហើយចាក់ទឹកត្រី អំបិល ស្ករ ម្សៅស៊ុប ទឹកអំពិលទុំ ភ្លក់មើលតាមចូលចិត្ត ទើបបង់ម្អម ជីនាងវង ជាការស្រេច ។