បង្អែម-ខ្មែរខែក្តៅ
ក្រោយពីទទួលទានអាហាររួច មិត្តគួរតែទទួលបង្អែមផ្សេងៗដើម្បីលាងមាត់ ដូច្នេះថ្ងៃនេះ សាកល្បងធ្វើ បបរត្រាវជាមួយគេហទំព័រខ្មែរអាយញ៉ូវដែលមានដូចខាងក្រោមនេះ៖
គ្រឿងផ្សំ៖ ត្រាវ១ផ្លែ ដំឡូង៣ផ្លែ ដូង១ផ្លែ ស្ករសកន្លះគីឡូ និងអំបិល២ស្លាបព្រាកាហ្វេ។
វិធីធ្វើ៖ ដំបូងអ្នកចិតសំបកត្រាវឱ្យស្អាតយកវាទៅលាងទឹកពីរ ទៅបីទឹកហើយគាស់ត្រាវដាក់ចានទុកមួយឡែក បន្ទាប់មកចិតដំឡូងឱ្យស្អាតដូចគ្នា គាស់វាដាក់ចានទុកមួយឡែកផ្សេងទៀត ហើយអ្នកយកដូងមកច្របាច់លាយជាមួយទឹកក្តៅល្មមមួយពែងកែវយកខ្ទិះដើម ទុកមួយឡែក រួចយកដូងដែលនៅសល់ច្របាច់ជាមួយទឹកត្រជាក់ដាក់ទឹកប្រហែលជាកន្លះ ឆ្នាំងរួចហើយដាក់ត្រាវ និងដំឡូងដែលចិតហើយដាក់ចូលក្នុងឆ្នាំងទុកវាឱ្យពុះយកត្រាវ និងដំឡូងមកចុចមើលបើផុយល្មមដាក់ស្ករកន្លះគីឡូចូលរួចដាក់អំបិល ២ស្លាបព្រាកាហ្វេចូលភ្លក្សមើលបើល្មមដាក់ចុះ។ ដល់ពេលដែលអ្នកបរិភោគចាំដាក់ខ្ទិះដើមចូលជាកាស្រេច នោះអ្នកនឹងបានបង្អែមខ្មែរខែក្តៅដែលមានរសជាតិឆ្ងាញ់ពិសារមិនខាន៕
Post a Comment