អាំង-ងៀតសាច់គោ

គ្រឿងផ្សំ

សាច់គោ ម្សៅស៊ុប អំបិលម៉ដ្ឋ ទឹកត្រី ទឹកស៊ីអ៊ីវ ស្ករ ខ្ញី ក្រាម ម្រេច ។

វិធីធ្វើ

យកសាច់គោជាដុំវែងៗ ប្រវែងមួយចង្អុលដៃ ប្រឡាក់និងអំបិលក្រាម (បុកឱ្យម៉ដ្ឋ) ចាក់ទឹកត្រី បន្តិច ទឹកស៊ីអ៊ីវ ស្ករ ម្សៅស៊ុប ម្រេចបុក ហើយបុកខ្ញីពូតយកទឹកដាក់ផង ច្របល់ចូលគ្នាឱ្យសព្វ ទុកពីរម៉ោង ទើបយកទៅដោតនិងចង្កាក់ឫស្សី ចងខ្សែហាលថ្ងៃ ចំនួនបីថ្ងៃឱ្យស្ងួត ទើបយកមក អាំងឱ្យឆ្អិន ដំឱ្យទន់ បេះជាសរសៃៗ ទុកទទួលទានជាមួយជ្រក់ចំរុះ (ធ្វើជាគ្រឿងក្លែម) ។