ញាំ-ខ្យង បន្លែស្រស់
កាន់តែមានអារម្មណ៍ថា អាហារបែបស្រុកស្រែពិតប្រាកដ ព្រោះ ម្ហូបញាំខ្យង គេ ឃើញច្រើនតែមាននៅទីជនបទប៉ុណ្ណោះ តែនៅពេលនេះ ត្រូវបានភោជនីយដ្ឋានភូមិម្ហូបខ្មែរ យកមកដាក់លើតុ បម្រើដល់សេចក្ដីត្រូវការរបស់អតិថិជន។
បើយោងតាមអ្នកគ្រប់គ្រងនៅភូមិខ្មែរ បានឲ្យដឹងថា មុខម្ហូបញាំខ្យងនេះ អាចចាត់ទុកជាគ្រឿងក្លែមក៏បាន ឬចាត់ទុកជាម្ហូបក៏បាន ដោយមានរសជាតិជូរ និងហិលតិចៗចេញមកពីម្ទេសប្លោក គួបផ្សំនឹងក្លិនក្រអូបតិចៗ ចេញពី ជីរណា ព្រមទឹកជ្រលក់ដែលមានគ្រឿងផ្សំពិសេសទៀតនោះ ធ្វើញាំខ្ចង ឈ្ងុយជាប់មាត់តែម្ដង។
ដូចអ្វីដែលអ្នកបានដឹងរួចមកហើយ អាហារនៅភូមិម្ហូបខ្មែរ ផ្ដល់សេវាខ្ពស់លើអនាម័យ ដូច្នេះញាំខ្យង១ចាននេះ កើតចេញពីភាពសម្រិតសម្រាំងបំផុត ដូចជា ខ្យង ត្រូវបានរើសយកប្រភេទលេខ១ ហើយវិធីធ្វើគឺយកខ្យងមកលាងឲ្យស្អាត ទើបយកទៅចំហុយ និងឆ្កឹះសាច់ចេញពីសំបកនៅពេលវាឆ្អិន។
មុខម្ហូបខាងលើនេះត្រូវបានចុងភៅ របស់ភូមិម្ហូបខ្មែរលើកឡើងថា បានទទួលការពេញនិយមមែនទែនពីសំណាក់អតិថិជន ដោយសារតែការចម្អិនប្រកបដោយអនាម័យត្រឹមត្រូវ និងគ្រឿងផ្សំប្រកបដោយរសជាតិឈ្ងុយឆ្ងាញ់ មិនអាចបំភ្លេចបាន បូកផ្សំជាមួយបន្លែស្រស់ៗ ក្លាសេត្រជាក់ស្រេប ធ្វើឲ្យរសជាតិឈ្ងុយឆ្ងាញ់ទ្វេឡើង។
គ្រឿងផ្សំ៖ មាន សាច់ខ្យង ម្ទេសប្លោក ខៀវនិងក្រហម ម្ទេស ខ្ទឹមស ខ្ទឹមក្រហម សណ្ដែកគួរ ទឹកក្រូចឆ្មារ ជីរណា និង គុលស្លឹកគ្រៃ៕
Post a Comment