ញាំ-ក្រអៅឈូក ហូបរហូតមិនទ្រលាន់
ញាំក្រអៅឈូកស្រួយស្ញោកៗ លាយនិងការ៉ុត បង្កងប៉ោងពោះពីកាលណាអត់ដឹងខ្លួននោះទេ។
ក-គ្រឿងផ្សំ
ក្រអៅឈូក៣ខាំ បង្កង២ខាំ ការ៉ុត១មើម ទឹកត្រីស្ករអំបិល ទឹកខ្មេះជីរសាំងក្រហ៊ុំ។
ខ-របៀបធ្វើ
-ក្រអៅឈូកលាងឱ្យស្អាត ហើយហែកជាពីរៗ តាមបណ្ដោយ។ លាយអំបិលមួយកូនស្លាបព្រា ស្ករមួយស្លាបព្រា ទឹកខ្មេះបីកូនស្លាបព្រា ប្រើដៃលាយឱ្យសព្វ ហើយច្របាច់យកទឹកចោល។
-ការ៉ុតចិតសម្បកចោល ហើយឈូកជាសរសៃវែងតូច។ លាយអំបិលពាក់កណ្ដាលស្លាបព្រា ទុកចោល ១៥នាទី ហើយច្របាច់យកទឹកចេញឱ្យអស់។
-បង្កងស្ងោរឆ្អិនបកសម្បក និងហូតសរសៃខ្មៅចោល។ ជីរសាំងក្រហ៊ុំលាងស្អាតបេះយកតែស្លឹក។
-លាយទឹកត្រីពីរស្លាបព្រា ស្ករពីស្លាបព្រា ទឹកពីរស្លាបព្រានិងទឹកខ្មេះពីរស្លាបព្រា។ ខ្ទឹមស ម្ទេស ចិញ្ច្រាំតូចៗ ដាក់លាយនិងទឹកត្រី។ លាយក្រអៅឈូក ការ៉ុត បង្កងក្នុងចានធំមួយលាយនិងទឹកត្រីខាងលើ ហើយបង់គ្រឿងភ្លក្សឱ្យល្មមមាត់។
-ពេលហូបរោយជីរសាំងក្រហ៊ុំពីលើ ជាការស្រេច៕
Post a Comment