ស៊ុប-សរសៃគោ
គ្រឿងផ្សំ៖
ឆ្អឹងគោកាប់ដុំៗ សាច់គោ សរសៃគោកាត់ជាដុំតូចៗ ទឹកត្រី ម្សៅស៊ុប អំបិល ទឹក ខ្ទឹមសចិញ្រ្ចាំ ខ្ទឹមបារាំង ប្រេងឆា ស្លឹកគុយឆាយ
វិធីចម្អិន៖
1. រម្ងាស់សរសៃគោប្រហែលជា 30 ទៅ 60 នាទី ដើម្បីឱ្យវាផុយ ហើយទុកមួយឡែក
2. ដាក់ខ្ទះ ដាំប្រេងឱ្យក្ដៅ រួចដាក់ខ្ទឹមចិញ្ច្រាំបំពងឱ្យឡើងពណ៌ត្នោត
3. ដាក់ស្ករ អំបិល ប៊ីចេង ទឹកត្រី និងម្សៅស៊ុបចូល រួចកូរចុះឡើងឱ្យទាល់តែក្រហម
4. ដាក់ឆ្អឹងគោ សាច់គោ និងសរសៃគោចូល ឆាត្រឡប់ចុះឡើង
5. ថែមទឹក ហើយរម្ងាស់ប្រហែលជា 1 ទៅ 2 ម៉ោង រហូតទាល់តែសាច់គោ និងសរសៃគោផុយ
6. អាចថែមទឹកបានបើសិនជាលោកអ្នកចូលចិត្តទឹកច្រើន
7. បន្ទាប់មក យកខ្ទឹមសចិញ្ច្រាំទៅបំពងក្នុងខ្ទះដែលមានប្រេងឆាក្ដៅ រួចរោយវាទៅលើស៊ុបគោនោះ
8. ហើយរោយស្លឹកគុយឆាយដាក់ពីលើ
9. ដួសដាក់ចាន
តែកុំភ្លេចញ៉ាំវាជាមួយនឹងទឹកម្ទេសហិរៗផងណា៎…
Post a Comment